ຍີ່ປຸ່ນສົ່ງຍານອະວະກາດສຳຫຼວດດວງຈັນ
ສຳນັກຂ່າວຊິນຮວາລາຍງານ : ວັນທີ 7 ກັນຍາ 2023, ອົງ ການສຳຫຼວດອະວະກາດຂອງຍີ່ປຸ່ນ (JAXA) ໄດ້ສົ່ງຍານສຳຫຼວດ H-IIA ຂອງຕົນ,
ທີ່ບັນຈຸຍານສຳຫຼວດດວງຈັນ SLIM (Smart Lander for Investigation Moon), ທີ່ມີຊື່ວ່າ "ມູນສະໄນເປີ" (Moon Sniper) ຂຶ້ນສູ່ອາ
ວະກາດຈາກສູນອະວະກາດທາເນກະຊິມະ(Tanega shima), ຢູ່ເມືອງ (Minamitane) ໃນຕອນເຊົ້າຕາມເວລາທ້ອງຖິ່ນ.
ເປົ້າໝາຍຂອງຍານສຳຫຼວດດວງຈັນ SLIM ແມ່ນເພື່ອລົງຈອດພາຍໃນ 100 ແມັດຂອງຈຸດເປົ້າໝາຍເທິງຜິວດວງຈັນ, ເຊິ່ງຖືວ່າເປັນໄລຍະທາງ
ທີ່ໃກ້ທີ່ສຸດ ຈາກເດີມທີ່ຈະມີໄລຍະທາງຫຼາຍກິໂລແມັດ, ທັງນີ້ຄາດການວ່າ: ຍານ"ມູນ ສະໄນເປີ" ຈະເຂົ້າໄປໃນວົງໂຄຈອນຂອງດວງຈັນ ແລະ ລົງ
ຈອດເທິງດວງຈັນໃນ ເດືອນ ກຸມພາ ປີໜ້າ. ຖ້າພາລະກິດປະສົບຜົນສຳເລັດ, ຈະເຮັດໃຫ້ຍີ່ປຸ່ນກາຍເປັນປະເທດທີ 5 ທີ່ຈະລົງຈອດຍານອະວະກາດ
ເທິງດວງຈັນ, ຕໍ່ຈາກ ສະຫະລັດອາເມຣິກາ, ຣັດເຊຍ, ຈີນ ແລະ ອິນເດຍ, ທີ່ໄດ້ລົງຈອດຍານສຳຫຼວດດວງຈັນໃນເດືອນແລ້ວນີ້.
ນອກນີ້, ຍານສຳຫຼວດອາວະກາດ H-IIA ຍັງໄດ້ບັນຈຸດາວທຽມ XRISM (X-Ray Imaging and Spectroscopy) ເພື່ອສັງເກດເບິ່ງລົມ
ທີ່ໄຫຼຢູ່ໃນຈັກກະວານ, ເຊິ່ງນັກວິທະຍາສາດ ຖືວ່າເປັນກຸນແຈທີ່ຊ່ວຍໃຫ້ເຂົ້າໃຈວິວັດທະນາການຂອງດາວ ແລະ ກາແລັກຊີ. ດາວທຽມ XRISM
ແມ່ນໂຄງການຮ່ວມມືລະຫວ່າງ ອົງການສຳຫຼວດອາວະກາດຍີ່ປຸ່ນ (JAXA), ອົງການ NASA (NASA) ແລະ ອົງການອະວະກາດເອີຣົບ (European
Space Agency).
ແຫຼ່ງທີ່ມາ: ໜັງສືພິມກອງທັບ
ວັນທີ 12/09/2023